Состанокот беше отворен од страна на г-ѓа Лилјана Павлова - заменик министер за регионален развој и јавни работи на Р Бугарија и г-дин Фарук Фератоски - заменик министер за локална самоуправа на Р. Македонија. На седницата присуствуваше и г-ѓа Натали Вершелде - претставник на главна дирекција Регионална политика на Европската комисија.

На состанокот беа одобрени за финансирање 36 проекти од Првата покана за предлог проекти со вкупна вредност од 6 980 436 евра. Главната цел на финансираните проекти е да обезбедат можности за заеднички иницијативи и практики за економска и социјална кохезија и подобрување на квалитетот на живот во прекуграничниот регион. 

Заедничкиот комитет за следење го одобри буџетот за управување со програмата за 2011 година и планот за работа на Заедничкиот технички секретаријат за оваа година. Исто така беа разгледани подготовките и индикативниот датум за старт на Втората покана за предлог проекти.